2009年6月10日 星期三

Day 7 ~ 16-05-2009星期六 晴

札幌{啤酒園}→香港

來到旅程最後一天,吃著最後一次東橫飯團,心情依依不捨!

退房後寄存行李,乘地下鐵在東區市役所站下車,步行十五分鐘便可到達啤酒園。沿途似是公屋之類的住宅區,路旁種了不少芝櫻,八重櫻也開得璀燦,我們一邊行一邊欣賞,不覺又已來到啤酒園。






































































啤酒園有很多樹木,給我的感覺很好,除了啤酒博物館外,還有餐廳及一座商場,祗是我們今天沒時間全部遊逛,真可惜。




























這裏的白樺樹比北海道大學的還要壯大,非常漂亮。











































還有顏色罕見的鬱金香。















啤酒博物館內有職員講解歷史,可惜我們不懂聽。





























展示的大麥可供觸摸,靠近鼻子可聞到香味。




























地下及二樓都有餐廳供應啤酒小食,我們買了杯啤酒品嚐,色澤看來濃厚,還以為會很苦澀,原來非常清甜,附送的餅乾小食都很美味。

















































由於時間關係,無緣到餐廳一試成吉思汗烤羊肉,實為一大憾事!

回到札幌站,先到地下街花畑牧場專賣店,吃一杯香滑的焦糖牛奶雪糕,才返酒店取行李。

















在售票機買過前往新千歲機場火車票之後,在入閘處的電視屏幕看到告示,知道班次因函館線發生事故而有所延誤,令我大為緊張,到票務處查詢下,原來祗取消了一班列車,十五分鐘後會再有一班,放下心頭大石,想到下班車應該會超多人,於是補上每位三佰日圓車費,將普通車票轉為指定席,確保有位可坐。

















到達機場,根據指示走到國際線離境部份,怎樣找也找不著國泰櫃位,一問之下原來是屈就在日航及全日空旁邊,招牌也祗能排在日航之下,怪可憐的!

辦理登機手續之後,返回機場大樓吃午飯,吃了外表吸引但味道普通的國產牛肉蛋包飯及肉醬意粉。

















在候機室重遇一同住在Crest Hotel的兩位香港人,寒喧幾句,原來她們在美瑛住了兩天,不但沒什麼花兒好看,天氣是又大風又冷,說來蠻後悔的樣子,我心裏暗想,幸好我們沒去!

出發前已委託旅行社替我們劃了機尾座位,今天乘客稀少,我們的座位四野無人,舒適寧靜,空中服務員心情也很輕鬆,笑容滿面,是日招呼特好,但飛機餐依舊難吃!

















回到香港,過海關及取行李是前所未有的快,整天沒吃過像樣的食物,趕緊走到一百分店,吃久違了的燒鵝瀨粉及港式香濃奶茶,美味!
































吃飽了便乘坐的士回家,結束七天愉快旅程。

13 則留言:

丁丁 提到...

原來d大麥係咁架,真係大鄉里~

supageti 提到...

我去果時仲以為果啲係槐花添,哈哈 ~~

師妹做咩唔試下成吉思汗烤肉呀?

小彭 提到...

咁快又到大結局喇~
真係唔鬧唔得喇... 你竟然餓住個肚晌札幌返黎, 機場大把野食賣啦! ^^

maymay 提到...

丁丁:
我之前都未見過架~~

師姐:
大麥原來好香架,你上次有冇聞過呀?
因為肚子唔聽話,所以响札幌一直唔敢食呢d肥膩野,但係去到啤酒園就好想食,不過又唔夠時間,唉!

小彭:
趕下場呀,hehe~~
確係抵鬧,都唔知點解會冇買野上飛機食嘅~@_@

largeheadboy 提到...

五月北海道都可以好靚啊!
啤酒園我都好鍾意,不過我去嗰陣時落狗 c 呀~

supageti 提到...

梗係有啦,不過唔記得咩味 lu ~

成吉思汗烤肉 + 啤酒,天下無敵呀!!!以你既性格為左食乜都無有怕個喎 ~~ 哈哈 ~~

maymay 提到...

大頭:
好在五月都仲有櫻花睇~
啤酒園我要去多一次呀~~~

師姐:
餐廳十一點先開門營業,我驚食唔切呀,要趕飛機呀!
出發前肚子作怪,已經知道今次冇食運啦~>_<

rempei 提到...

原來那一晚您真的吃過燒鵝瀨粉,我第日見sms時仲諗夜嗎嗎有鵝瀨過您食吖~~

maymay 提到...

薯嘜:
我發短訊俾你果時仲好早咋~

naruto 提到...

大結局啦!

收視會唔會過四十點呢?

過你又會唔會著泳衣呢?

maymay 提到...

naruto:
係呀,就咁又大結局喇!
點樣先至知道過唔過四十點呢?
著泳衣會唔會嚇C人呢?^^

naruto 提到...

點樣先至知道過唔過四十點呢?。。。>四十個回應啦,hehe

ps:嚇C人?文法有錯,嚇到標C就啱喇

maymay 提到...

naruto:
四十個留言,呢度未試過咁旺喎,咁即係可以慳番,泳衣都唔駛買,呵呵~

啱你個頭~~